Mov håhkoe
Giesie
Mov håhkoe Johkegaskese båetedh,
gåetiem baeledh, aerniem reejnedh,
riehpenistie hievnien-viermieh sööpedh.
Doerkh dåajodh, doerkestidh.
Dueljiem joevehtidh.
Dållem bïejedh.
Tjaetsiem gaaltijistie veedtjedh.
Gïempestahkesne prïhtjh-giebniem steeredh,
prïhtjegem voessjedh.
Tsaapestahkem voesseste ohtsedidh.
Tsaapedh, prïhtegem jovkedh.
Åejjie-nalhkem deejedh.
Veelestidh.
Stoerre-johken såakem goltelidh.
Nahkestidh.
Fahkedh.
Dålle jamhkeme.
Arnesne nuvhlieh baatseme.
Soeveste jih orre doerkijste njaelkies-laakan åågkesje.
Annje Stoerre-johken fuersiem goltelidh guktie såaka.
Jih manne leam daesnie
Johkegaskesne, maana-baelien gåetesne.
0 kommentarer
